Psa 23 | TwiNAK | STEP | Awurade ne me hwɛfo, hwee renhia me.

Psalms 23

Awurade, yɛn Guanhwɛfo

1 Awurade ne me hwɛfo, hwee renhia me.
2 Ɔma meda wura frɔmfrɔm adidibea.
Ogya me kɔ nsu a ɛho dwo ho.
3 Odwudwo me kra.
Ɔde me fa akwantrenee so, ne din nti.
4 Sɛ menam owu sum kabii mu mpo a, minsuro,
Awurade, efisɛ, wo ne me na ɛwɔ hɔ.
Wʼabaa ne wo poma na ɛkyerɛ me kwan.
5 Wotow me pon mʼatamfo anim.
Wode ngo fɔw me tirim.
Me kuruwa yɛ ma bu so.
6 Yiye ne adɔe nko na ebedi mʼakyi me nkwa nna nyinaa; na mɛtena Awurade fi daa.